நடிகர் அஜித் குமாரின் பிறந்தநாளான இன்று(மே 1), ரசிகர்கள் அவருக்கு வாழ்த்து தெரிவித்த வண்ணம் உள்ளனர். திரையுலகினர் சிலரும் வாழ்த்தி உள்ள நிலையில் துணை முதல்வர் ஓ.பன்னீர் செல்வமும் அஜித்திற்கு பிறந்தநாள் வாழ்த்து கூறியுள்ளார்.
இதுதொடர்பாக டுவிட்டரில் அவர் கூறியிருப்பதாவது : எந்த சினிமா பின்புலமும் இல்லாமல் தனது அயராத உழைப்பாலும், தன்னம்பிக்கையாலும் முன்னேறி, திரையுலகில் தனக்கென தனி முத்திரை பதித்து ரசிகர்களின் பேரன்பை பெற்ற திரைப்பட நடிகர் அஜித்குமாருக்கு இனிய பிறந்தநாள் நல்வாழ்த்துகள். #HBDAjithkumar என பதிவிட்டுள்ளார்.
