பாலா இயக்கிய ‘வர்மா’ படம் திருப்தியாக இல்லை என்று அப்படத்தை தயாரிப்பாளர் கைவிட்டார். தொடர்ந்து, ‘வர்மா’ படத்தை வேறு ஒரு இயக்குநரை வைத்து தயாரிக்க இருப்பதாகவும் அறிவித்தார்.
இயக்குனர் யார் என்பது அதிகாரப்பூர்வமாக அறிவிக்கவில்லை. ஆனாலும் அர்ஜூன் ரெட்டி படத்தில் உதவி இயக்குநராக இருந்த கிரியாசா இயக்க இருப்பதாக கூறப்படுகிறது.
இதற்கிடையில், புதிய ‘வர்மா’ படத்தின் ஒளிப்பதிவாளராக ரவி கே சந்திரனை கமிட் பண்ணினார்கள். தற்போது துருவ் விக்ரமுடன் நடிக்க இருக்கும் கதாநாயகியையும் தேர்வு செய்துள்ளனர்.
சமீபத்தில் ஹிந்தியில் வெளியான ‘அக்டோபர்’ என்ற படத்தில் நடித்த பனிதா சாந்துதான் ‘வர்மா’ படத்தின் புதிய கதாநாயகி. பஞ்சாபை பூர்வீகமாக கொண்ட பனிதா, வர்மா மூலம் தமிழ் சினிமாவில் அறிமுகமாக இருக்கிறார்.
லண்டனில் படித்து வளர்ந்த இவர், சில டிவி சீரியல்கள் மற்றும் விளம்பரங்களில் நடித்தவர். ‘அக்டோபர்’ படத்தை தொடர்ந்து ‘வர்மா’ படத்தில் துருவுடன் நடிக்க இருக்கிறார் பனிதா.
