ஏ.ஆர்.முருகதாஸ் இயக்கத்தில் விஜய் நடித்துள்ள சர்கார் படத்தின் பர்ஸ்ட் லுக் வெளியானபோது விஜய் புகைப்பிடித்தபடி போஸ் கொடுத்ததற்கு எதிர்ப்புகள் எழுந்தது. அதனால் சர்கார் படத்தை அப்போதே பரபரப்பு தொற்றிக்கொண்டது. அதையடுத்து அப்படத்தின் சிம்ட்டாங்காரன், ஒரு விரல் புரட்சி பாடல்களில் சிங்கிள் டிராக்கை வெளியிட்டார்கள்.
அக்டோபர் 2-ந்தேதி சர்கார் இசை வெளியீடு நடந்தது. அந்த விழாவில், அரசியல், ஊழல் குறித்து விஜய் பேசியதால் மீண்டும் பரபரப்பு பற்றிக் கொண்டது. இந்நிலையில், தீபாவளிக்கு படம் திரைக்கு வருவதால், சர்கார் டீசர் எப்போது வெளியாகும் என்கிற எதிர்பார்ப்புகள் அதிகரித்துள்ளன.
இந்த நேரத்தில், வருகிற ஆயுத பூஜை அன்று சர்கார் படத்தின் டீசரை வெளியிட படக்குழு திட்டமிட்டிருப்பதாக தற்போது தகவல்கள் வெளியாகியுள்ளன. இதுகுறித்த அறிவிப்பு விரைவில் வெளியாகும் என்கிறார்கள்.
