தமிழ் திரையுலகில் தனது இரண்டாவது இன்னிங்சில் தன்னுடைய முத்திரையை அழுத்தமாக பதிய வைத்து வருகிறார் நடிகர் அரவிந்த்சாமி. மலையாள ரீமேக்காக உருவான பாஸ்கர் ஒரு ராஸ்கல் படம் அவ்வளவாக வெற்றி பெறாவிட்டாலும் அடுத்தடுத்து அவர் நடித்து வரும் படங்கள் மிகுந்த எதிர்பார்ப்பை ஏற்படுத்தியுள்ளன.
அந்தவகையில் இந்த செப்டம்பர் மாதம் மட்டும் அவர் நடித்துள்ள மூன்று படங்கள் அடுத்தடுத்து வெளியாக இருக்கின்றன. மணிரத்னம் இயக்கத்தில் செக்க சிவந்த வானம் (செப்-28), கார்த்திக் நரேனின் நரகாசூரன் (செப்-13) மற்றும் சதுரங்க வேட்டை 2 (செப்-20) என மூன்றும் பெரிய படங்கள் தான். அந்தவகையில் செப்டம்பர் மாத சினிமா அரவிந்த்சாமியின் கைகளுக்குள் போய்விட்டது என தாராளமாக சொல்லலாம்.
