பொன்ராம் இயக்கத்தில் வருத்தப்படாத வாலிபர் சங்கம், ரஜினிமுருகன் படங்களைத் தொடர்ந்து சிவகார்த்திகேயன்-சூரி கூட்டணி அமைத்துள்ள படம் சீமராஜா. இவர்களுடன் சிம்ரன், சமந்தா உள்பட பலர் நடித்துள்ள இந்த படத்திற்கு டி.இமான் இசையமைத்துள்ளார்.
இந்த படத்தின் டீசர் மற்றும் இசை வெளியீட்டு விழா கடந்த 3-ந்தேதி மதுரையில் நடைபெற்றது. அதையடுத்து இணையதளத்தில் வெளியிடப்பட்ட டீசரை ஏராளமான ரசிகர்கள் கண்டுகளித்து வந்த நிலையில், ஒரே நாளில் ஒரு மில்லியன் பார்வையாளர்களை கடந்து சாதனை படைத்துள்ளது. சிவகார்த்திகேயன் படங்களில் இது புதிய சாதனையாக கருதப்படுகிறது.
