சமீபகாலமாக மலையாள சினிமாவில் முன்னணி காமெடி நடிகராக வலம் வருவதுடன், துல்கர் சல்மான் நடித்த ‘பறவ’ படம் மூலமாக இயக்குனராகவும் மாறியவர் சௌபின் சாஹிர். இந்தப்படத்தை இவருக்கு இயக்கும் வாய்ப்பை ஏற்படுத்திக் கொடுத்தவர் இவரது குருநாதர்களில் ஒருவரான இயக்குனர் அன்வர் ரஷீத்.. மம்முட்டி நடித்த ராஜமாணிக்கமே படம் மூலம் இயக்குனரானவர் தான் அன்வர் ரஷீத்.
துல்கரை தொடர்ந்து அடுத்தததாக மம்முட்டியை வைத்து தனது 2வது படத்தை இயக்கவும் உள்ளார் சௌபின் சாஹிர். இந்தப்படத்தை கூட சௌபின் சாஹிரின் இன்னொரு குருநாதரும் பிரபல இயக்குனருமான ஆசிக் அபு தயாரிக்க உள்ளார். இந்த ஆசிக் அபுவும் மம்முட்டி நடித்த டாடி கூல் படம் மூலமாக இயக்குனராக அறிமுகமானவர் தான்..
