ஆரண்ய காண்டம் படத்தை இயக்கியவர் தியாகராஜன் குமாரராஜா. இவர் தற்போது கிரைம் திரில்லர் கதையில் சூப்பர் டீலக்ஸ் என்ற படத்தை இயக்கி வருகிறார். இந்த படத்தில் விஜய்சேதுபதி, சமந்தா, ரம்யாகிருஷ்ணன், பகத்பாசில் உள்பட பலர் நடிக்கிறார்கள். முதன்முறையாக இப்படத்தில் பெண் கெட்டப்பில் நடித்து வருகிறார் விஜய்சேதுபதி.
அதேபோல் சமந்தா வேம்பு என்றொரு வித்தியாசமான கேரக்டரில் நடித்துள்ளார். அதனால் இந்த படம் தொடங்கப்பட்டதில் இருந்தே விஜய்சேதுபதியின் கேரக்டர் எதிர்பார்ப்பினை உருவாக்கி வருகிறது. மேலும் ஏப்ரல் 27-ந் தேதி திரைக்கு வரவிருக்கும் இந்த படத்தை கேன்ஸ் திரைப்பட விழாவில் திரையிட இயக்குனர் தியாகராஜன் குமரராஜா திட்டமிட்டு வருகிறார் என இயக்குநர் மிஷ்மின் சமீபத்தில் தெரிவித்திருக்கிறார்.