ஷங்கர் டைரக்சனில் கமல் நடிப்பில் 24 ஆண்டுகளுக்கு முன்பு வெளியாகி வெற்றி பெற்ற இந்தியன் படத்தின் இரண்டாம் பாகமாக இந்தியன்-2 படத்தின் படப்பிடிப்பு விறுவிறுப்பாக நடைபெற்று வருகிறது. சமீபத்தில் ராஜமுந்திரி, ஸ்ரீபெரும்புதூர், போபால் ஆகிய பகுதிகளில் படப்பிடிப்பை நடத்திய இந்த படக்குழுவினர் தற்போது குவாலியரில் முகாமிட்டுள்ளனர். இந்த படத்தில் கமல் 90 வயது மனிதராக நடிக்கிறார் என்பது ஏற்கனவே நமக்கு தெரியும்.
இந்தப் படத்தில் கதாநாயகியாக நடிக்கும் காஜல் அகர்வாலும் வயதான தோற்றத்தில் அதாவது 85 வயது பெண்மணியாக நடிக்க இருக்கிறார் என ஒரு தகவல் வெளியாகியுள்ளது. இந்தியன் படம் முதல் பாகத்தில் நடிகை சுகன்யாவும் இதே போல வயதான பெண்மணி தோற்றத்தில் நடித்தார் என்பது குறிப்பிடத்தக்கது. இந்த படத்தில் கமலின் பால்யகால சினேகிதியாக காஜல் அகர்வால் நடிக்கிறார் என்றும் சொல்லப்படுகிறது.
