தெலுங்குத் திரையுலகத்தில் இப்படி ஒரு வசூல் மூன்றே நாட்களில் நடக்கும் என்று யாருமே எதிர்பார்த்திருக்க மாட்டார்கள். த்ரிவிக்ரம் சீனிவாஸ் இயக்கத்தில் ஜுனியர் என்டிஆர், பூஜா ஹெக்டே மற்றும் பலர் நடித்து கடந்த வாரம் வௌவிந்த ‘அரவிந்த சமேதா’ படம் மூன்றே நாட்களில் 100 கோடி ரூபாயை வசூல் செய்து சாதனை படைத்துள்ளது.
படம் வெளியான அக்டோபர் 11ம் தேதி மட்டுமே உலகம் முழுவதும் 60 கோடி ரூபாயை வசூலித்ததாம். ‘பாகுபலி’ அல்லாத ஒரு தெலுங்குப் படத்தின் அதிகபட்ச வசூல் இது என்கிறார்கள். அடுத்த இரண்டு நாட்களிலும் இந்தப் படம் 40 கோடி வசூல் செய்து 100 கோடியைத் தாண்டிவிட்டதாக டோலிவுட் வட்டாரங்கள் தெரிவிக்கின்றன.
இந்தியாவில் மட்டுமல்லாது, வெளிநாடுகளிலும் இந்தப் படம் வசூலைக் குவித்து வருகிறது. குறிப்பாக அமெரிக்காவில் மூன்றே நாட்களில் 12 கோடி ரூபாயை வசூலித்துக் கொடுத்துள்ளது. 130 கோடி வசூலைத் தாண்டினால் இந்தப் படம் அனைவருக்கும் லாபத்தைக் கொடுக்கும். அது இன்னும் சில நாட்களில் நடந்து விடும்.
