பெருவக்காரன் பிலிம்ஸ் நிறுவனம் தயாரிக்கும் படம் அமையா. நிகில் வி.கமல் என்பவர் இயக்கும் இந்தப்படத்தில் சுஜா சூர்யநிலா கதாநாயகியாக அறிமுகமாகிறார். இவர் 2௦16ல் மிஸ் மெட்ராஸ் பட்டம் வென்றவர். இவர், அமையா என்ற டைட்டில் கேரக்டரில் நடிக்கிறார். மேலும் மாஸ்டர் மகேந்திரன் ஒரு முக்கியமான கேரக்டரில் நடிக்கிறார். எஸ்.கவுதம் இசையமைக்க, ஹரிஹரீஷ் மற்றும் ஷின்டோ பி.ஜார்ஜ் இருவரும் இணைந்து ஒளிப்பதிவு செய்கிறார்கள். படம் பற்றி இயக்குனர் நிகில் வி.கமல் கூறியதாவது:
முகவரி, பெயர் என எந்த விவரமும் தெரியாமல் தனது காதலனை தேடும் ஒரு கர்ப்பிணி பெண்ணின் கதை தான் இந்தப்படத்தின் மையக்கரு. தனக்கு முற்றிலும் பழக்கமில்லாத இடம் மற்றும் புரியாத பாஷை புழங்கும் இடத்தில் தனது காதலனை ஒரு கர்ப்பிணிப்பெண் தேடுவது என்பது மிகவும் சுவாரஸ்யமான அதேசமயம் வித்தியாசமான களமாக இருக்கும். அழகான லொக்கேஷன்களும், பழங்குடியினரின் கலாச்சராம் எல்லாமுமாக சேர்ந்து இந்த ‘அமையா ‘ மிகப்பெரிய விஷுவல் விருந்தாகவும் இருக்கும். என்கிறார் விமல்.
