இந்தியன் படத்தின் பிரமாண்ட வெற்றியைத் தொடர்ந்து, இருபத்தி இரண்டு ஆண்டுகளுக்குப் பின், இந்தியன் படத்தின் இரண்டாம் பாகம் எடுக்கப்பட்டு வருகிறது. படத்தை, அதே ஷங்கரே இயக்குகிறார். படத்தின் கதாநாயகனாக கமலே நடிக்கிறார். அவருக்கு ஜோடியாக 85 வயது பாட்டியான அமிர்தவள்ளி வேடத்தில் நடிகை காஜல் அகர்வால் நடிக்கிறார்.
ரகுல் ப்ரீத் சிங், சித்தார்த், விவேக் உள்ளிட்ட பலரும் படத்தில் முக்கிய கேரக்டரில் நடிக்க, படம் விறுவிறுப்பாக படமாக்கப்பட்டு வருகிறது. இந்நிலையில், இயக்குநர் ஷங்கர், டுவிட்டரில், நடிகர் கமலின், இந்தியன் 2 படத்தை வித்தியாசமாக வெளியிட்டு புத்தாண்டு வாழ்த்து கூறியிருக்கிறார். இந்தியன் 2 படத்தின் போஸ்டரைத்தான் இப்படி அவர் வெளியிட்டு இருப்பதாகக் கூறுகின்றனர்.
