‘விஷால் ஃபிலிம் ஃபேக்டரி’ நிறுவனமும், ‘மெட்ராஸ் எண்டர்பிரைசஸ்’ நிறுவனமும் இணைந்து தயாரித்துள்ள படம் ‘துப்பறிவாளன்’. மிஷ்கின் இயக்கத்தில் சுமார் 23 கோடி பட்ஜெட்டில் உருவாகியுள்ள இந்த படத்தில் பிரசன்னா வில்லனாக நடிக்கிறார். மற்றும் வினய்ராய், சிம்ரன், ஆண்ட்ரியா, அனு இமானுவேல், ஜான்விஜய், கே.பாக்யராஜ் என மிகப்பெரிய நட்சத்திரப்பட்டாளமே நடித்துள்ளனர்.
மிஷ்கின் இயக்கத்தில் விஷால் நடிக்கும் முதல் படம் இது. துப்பறிவாளன் படம் சமீபத்தில் தணிக்கைக்கு அனுப்பப்பட்டது. படத்தைப் பார்த்த தணிக்கைக் குழுவினர் துப்பறிவாளனுக்கு ‘யு/ஏ’ சான்றிதழ் வழங்கியிருக்கிறார்கள். தணிக்கை சான்றிதழ் கிடைத்ததை தொடர்ந்து, இப் படத்தை இம்மாதம் 14-ஆம் தேதி வியாழக் கிழமை வெளியிடவிருக்கின்றனர்.
விஜய்யின் ‘பைரவா’, சூர்யாவின் ‘சிங்கம்-3’, அஜித்தின் ‘விவேகம்’ என பெரிய நட்சத்திரங்கள் நடிக்கும் படங்கள் தான் வியாழக் கிழமைகளில் வெளியாகி வருகின்றன. இந்நிலையில் இப்போது விஷாலின் ‘துப்பறிவாளன்’ திரைப்படமும் வியாழக்கிழமை அன்று வெளிவரவிருக்கிறது.
இந்த படத்தின் வெளியீட்டுக்கு அடுத்த நாள் (செப்டம்பர்-15) ஜோதிகா நடிக்கும் ‘மகளிர்மட்டும்’, சரத்குமார் நடிக்கும் ‘சென்னையில் ஒருநாள்-2’ உட்பட வேறு சில படங்களும் வெளியாகவிருக்கின்றன.
