இயக்குநர் ஏ.ஆர்.முருகதாஸ் இயக்கத்தில், நடிகர் ரஜினி நடிப்பில் உருவாகியுள்ள படம் தர்பார். இந்தப் படத்தை லைகா நிறுவனம் தயாரித்துள்ளது. ஜனவரி 9ல், படம் ரிலீசாக இருக்கிறது. அதனால், படத்தின் புரமோஷன் வேலைகளில் தீவிரமாக இறங்கியுள்ளது, படக்குழு. அதன் ஒரு பகுதியாக தர்பார் படத்தின் போஸ்டர்களை விமானங்களில் இடம் பெறச் செய்துள்ளனர்.
இதுபோன்ற பிரமாண்ட விளம்பரத்தை ரஜினியின் கபாலி திரைப்படம் வெளியானபோது, அப்படத்தின் தயாரிப்பாளர் தாணு செய்தார். தற்போது மீண்டும் அதே பாணியை தர்பார் படத்துக்காக கையிலெடுத்திருக்கிறது லைகா நிறுவனம். படம் உலகம் முழுவதும் வெளியாக இருப்பதையொட்டி, விமானங்களில் தர்பார் விளம்பரத்துக்கு ஏற்பாடு செய்திருக்கிறது லைகா நிறுவனம்.
