மைனா, சாட்டை, மொசக்குட்டி, சவுகார்பேட்டை, பொட்டு படங்களை தயாரித்த ஷாலோம் ஸ்டூடியோஸின் ஜான் மேக்ஸ், ‛சம்பவம்’ என்ற பெயரில் ஸ்ரீகாந்த், நடன இயக்குனர் தினேஷை வைத்து படம் தயாரிக்கிறார். ரஞ்சித் பாரிஜாதம் இயக்குகிறார். நாயகிகளாக பூர்ணா மற்றும் சிருஷ்டி டாங்கே நடிக்கின்றனர்.
இவர்களுடன், பேபி ஸ்ருதிகா, கிஷோர், இயக்குனர் ஏ.வெங்கடேஷ், தம்பி ராமையா, மொட்டை ராஜேந்திரன், ஜெயப்பிரகாஷ் மற்றும் பலர் நடித்து வருகிறார்கள். இந்நிலையில் லோகேஷ் கனகராஜ் இயக்கத்தில் விஜய் நடிப்பில் உருவாகி வரும் ‛தளபதி 64′ படத்திற்கு சம்பவம் என்று தலைப்பு வைக்கப்பட்டிருப்பதாக சமூக வலைதளங்களில் ரசிகர்கள் தயாரித்த போஸ்டர்கள் வெளியாகின. இதனால் பதறிப்போன சம்பவம் படத்தின் இயக்குனர் ரஞ்சித் பாரிஜாதம். இதுகுறித்து ஒரு அறிக்கை வெளியிட்டுள்ளார்.
