சசி இயக்கத்தில் விஜய் ஆண்டனி நடித்த பிச்சைக்காரன் படம் அவருக்கு மிகப்பெரிய ஹிட் படமாக அமைந்தது. ஆனால் அதன்பிறகு அவர் நடித்த படங்கள் வெற்றியை கொடுக்கவில்லை. இந்த நிலையில, தற்போது கணேசா இயக்கத்தில் விஜய் ஆண்டனி நடித்து திரைக்கு வரவிருக்கும் திமிரு புடிச்சவன் படத்தை அவர் இன்னொரு பிச்சைக்காரனாக கருதுகிறார்.
இந்த படம் எனக்கு கண்டிப்பாக இன்னொரு பிச்சைக்காரனாக இருக்கும். அந்த படத்தைப்போன்று வெற்றி பெரும் என்று கூறும் விஜய் ஆண்டனி, இந்த படத்தில் அதிரடியான போலீசாக நடித்துள்ளார். ஆனபோதும் பல காட்சிகளில் காவி வேஷ்டி, நெற்றியில் விபூதி அணிந்து பிச்சைக்காரன் பாணியில் தோன்றுகிறார்.
அதுமட்டுமின்றி பிச்சைக்காரன் படத்தில் இடம் பெறுவது போன்ற பக்தி மணம் கமழும் ஆவேச பாடல்களும் இந்த படத்தில் இடம்பெற்றுள்ளது.
