ராணுவத்திற்கு பெருமை சேர்க்கும் விதமாக சில ராணுவப்படங்களில் நடித்திருக்கிறார் நடிகர் மோகன்லால். அதனால் 2009 ஆண்டில் இந்திய தரைப்படை, மோகன்லாலுக்கு லெப்டினன்ட் கலோனல் (துணைநிலை படை அதிகாரி) பட்டத்தை அளித்து கௌரவித்தது.
இதனை தொடர்ந்து மோகன்லாலும் அந்த கௌரவத்துடன் அவ்வப்போது ராணுவம் மற்றும் அரசு சம்பந்தப்பட்ட விழாக்களில் கலந்துகொண்டு வருகிறார். இந்தநிலையில் சமீபத்தில் கேரளாவில் கண்ணூரில் உள்ள 122-வது பிராந்திய இராணுவப் பட்டாலியனுக்கு சென்று வந்துள்ளார் மோகன்லால்.
அங்கே ராணுவ வீரர்களுக்கான சீருடையை அணிந்து கொண்ட மோகன்லால், அன்றைய தின நடைமுறை விஷயங்களில் பங்கேற்றும் உள்ளார்.
