இயக்குநர் ஏ.ஆர்.முருகதாஸ் இயக்கத்தில் ரஜினி, நயன்தாரா நடித்துள்ள படம் தர்பார். இந்த படம் பொங்கலுக்கு வெளியாகிறது. இந்நிலையில், அடுத்ததாக சிறுத்தை சிவா இயக்கும், ரஜினியின் 168வது படத்தின் ஆரம்ப கட்ட பணிகளும் துவங்கி உள்ளன.
ரஜினியுடன் ஜோதிகா, கீர்த்தி சுரேஷ், விவேக், சூரி உள்பட பலர் நடிக்கவிருக்கின்றனர். இந்த படத்தின் படப்பிடிப்பு ரஜினியின் பிறந்த நாளான டிசம்பர் 12ல் துவங்க உள்ளது. இந்நிலையில் இப்படத்திற்கு வியூகம் என தலைப்பு வைக்க பரிசீலித்து வருவதாக தகவல் வெளியாகி உள்ளது.
‛சிறுத்தை’ படம் தவிர சிவா இயக்கிய ‛வீரம், வேதாளம், விவேகம், விஸ்வாசம்’ என அனைத்தும் படங்களின் தலைப்பும் ‛வி’ என்ற எழுத்தில் ஆரம்பமானது. அதே சென்டிமென்டால் ரஜினியின் படத்திற்கும் ‛வியூகம்’ என தலைப்பிட திட்டமிட்டுள்ளனர்.
