முன்னாள் காதலியை கொல்ல ஆயுதத்துடன் சென்றவர்கள் கைது!!

வியாழக்கிழமை இரவு இரு சகோதரர்கள் காவல்துறையினரால் கைதுசெய்யப்பட்டு, விளக்கமறியலில் வைக்கப்பட்டுள்ளனர். ஆயுதம் மற்றும் துப்பாக்கிக்குண்டுகளும் மீட்கப்பட்டுள்ளன.

காவல்துறையினரின் விசாரணைகளில், இரு சகோதர்களில், இளைய சகோதரனின் முன்னாள் காதலியை கொல்வதற்காக சென்றுகொண்டிருந்தமை தெரியவந்துள்ளது. தன் தம்பியை அவனுடைய காதலி ஏமாற்றி விட்டாள் எனவும், வேறு ஒருவருடன் வசிக்கிறாள் எனவும் சகோதர்களில் மூத்தவன் குறிப்பிட்டுள்ளான். இவர்களிடமிருந்து 7.62 கலிபர் வகை துப்பாக்கி குண்டுகளும், துபாக்கியும் கைப்பற்றப்பட்டுள்ளதாக நேற்று ஞாயிற்றுக்கிழமை தெரிவிக்கப்படுள்ளது. இந்த கைது சம்பவம் வியாழக்கிழமை இரவு Stains இன் Rue Hennequin இல் நகர மண்டபத்துக்கு அருகில் இடம்பெற்றுள்ளது.

குறித்த இருவரும், தொடர்ந்தும் காவல்துறையினரின் கட்டுப்பாட்டுக்குள் வைக்கப்பட்டுள்ளதாகவும், விசாரணைகள் நீட்டிக்கப்பட்டுள்ளதாகவும் குறிப்பிடப்பட்டுள்ளது.