போல்ட் வழியில் தோனி ஓய்வு பெறுவாரா என விமர்சித்த, ஜெயவர்தனாவுக்கு ரசிகர்கள் பதிலடி கொடுத்துள்ளனர்.
உலகின் ‘மின்னல் வேக’ வீரர் என போற்றப்படுபவர் ஜமைக்காவின் உசைன் போல்ட். லண்டனில் நடந்த 100 மீ., ஓட்டத்தில் வெண்கலம் வென்றார். பின் 100 மீ., ஓட்டத்தில் இருந்து இருந்து விடைபெற்றார்.
இதுகுறித்து இலங்கை அணி முன்னாள் கேப்டன் ஜெயவர்தனா வெ ளியிட்ட ‘டுவிட்டர்’ செய்தியில்,‘போல்ட் முடிவுக்கு தலை வணங்குகிறேன்,’ என, தெரிவித்தார்.
இதற்கு பதில் தந்த தோனி ரசிகர் ஒருவர்,‘இதுபோல, தோனிக்கும் மரியாதை தர வேண்டும். இவர் போல்ட்டை விட வேகமானவர்,’ என்றார்.
உடனே ஜெயவர்தனா,‘ எப்படி, தனது பைக்கில் வேகமாக செல்வாரா,’ என, கேலியாக தெரிவித்தார்.
இதன் பின் பல ரசிகர்கள் ஜெயவர்தனாவுக்கு பதிலடி தரத் துவங்கினர். இதன் விவரம்:
* அசோக்ராஜ்:
ஆடுகளத்தில் ரன் எடுக்கும் போது தோனி ஓடியதை இதற்கு முன் பார்த்து இருக்கிறீர்களா. காலில் பேடு கட்டிக் கொண்டு இவ்வளவு வேகமாக ஓடுவது என்பது நகைச்சுவை அல்ல.
உசைன் போல்ட் காலில் ‘பேடு’ கட்டிக் கொண்டு, தோனியை விட வேகமாக ஓடச்சொல்லுங்கள் பார்க்கலாம். கட்டாயம் தோனியிடம் தோற்று விடுவார்.
* அன்கீத் ஜனா:
ஆடுகளத்தின் 20.12 மீ., துாரத்தை போல்ட் 0.9 வினாடியில் கடந்தால், தோனி 0.8 வினாடி நேரத்தில் ஓடிவிடுவார்.
* ரிஷி சர்மா:
தோனி ‘ஸ்டம்பிங்’ செய்த வீடியோக்களை பாருங்கள், அதுவே உங்களுக்கு போதுமானது. இவர், மின்னலை விட வேகமாக செயல்படுவார்.
