மலேசியா சிங்கப்பூர் ரசிகர்களை சந்திக்க செல்லும் பிரஷாந்த்

நடிகர் தியாகராஜன் தயாரிப்பில் வெற்றிச்செல்வன் என்ற புதுமுக இயக்குநரின் இயக்கத்தில் பிரஷாந்த் நடித்த ஜானி திரைப்படம், இன்று (டிசம்பர் 14ஆம் தேதி) உலகம் முழுக்க வெளியாகிறது. வெளிநாடுகளில் ஜானி படத்துக்கு மிகப்பெரிய வரவேற்பு கிடைத்துள்ளது

வெளிநாடுகளில் நடிகர் பிரஷாந்த்துக்கு எப்போதுமே ஏராளமான ரசிகர்கள் உண்டு. இத்தனை காலத்துக்குப் பிறகும் அவருடைய வெளிநாட்டு ரசிகர்களின் எண்ணிக்கை குறையவில்லை என்பதுதான் ஆச்சரியம்.

ஸ்ரீலங்காவில் மட்டும் 22 திரையரங்குகளில் ஜானி படம் வெளியாகிறது சிங்கப்பூரில் 12 தியேட்டர்களில் ஜானி படம் திரையிடப்படுகிறது. மலேஷியாவிலும் ஏராளமான தியேட்டர்களில் ஜானி படம் வெளியாகிறது. அங்குள்ள ரசிகர்களை மகிழ்விக்க 2 நாட்கள் மலேசியா, சிங்கப்பூரில் சுற்றுப்பயணம் திட்டமிட்டிருக்கிறார் பிரசாந்த். ஜானி படத்துக்கு ரசிகர்களிடம் வரவேற்பு கிடைத்தால் மற்ற வெளிநாடுகளுக்கு செல்லவும் திட்டமிட்டுள்ளனர்.