மலையாளத்தில் மெகாஸ்டார் மம்முட்டி நடிப்பில் மிக பிரமாண்டமான பட்ஜெட்டில் உருவாகி வரும் படம் மதுர ராஜா. ஒன்பது ஆண்டுக்கு முன்பு அவர் நடிப்பில் வெளியான போக்கிரி ராஜா படத்தின் இரண்டாம் பாகமாகத்தான் இந்த மதுர ராஜா உருவாகியுள்ளது. முதல் பாகத்தை இயக்கிய இயக்குனர் வைசாக் தான், இந்த படத்தையும் இயக்கியுள்ளார்.
மோகன்லாலை வைத்து புலிமுருகன் என்கிற சூப்பர் ஹிட் கொடுத்த அதே இயக்குனர் தான். முதல் பாகத்தில் இடம்பெற்ற பிருத்விராஜுக்கு பதிலாக இந்தப்படத்தில் நடிகர் ஜெய் நடித்துள்ளார். இந்த படத்தின் படப்பிடிப்பு நேற்றுடன் நிறைவு பெற்றது. அதை கொண்டாடும் விதமாக இந்த படத்தின் மோஷன் போஸ்டரை வெளியிட்டுள்ளனர். இந்தப்படம் சித்திரையில் விஷூ பண்டிகை கொண்டாட்டமாக வெளியாக இருக்கிறது.
