கன்னடத்தில் நடிகையாக அறிமுகமானாலும், கடந்த ஆண்டு தெலுங்கில் வெளிவந்த ‘கீதா கோவிந்தம்’ படத்தின் மூலம் தென்னிந்தியா முழுவதும் பிரபலமானார் நடிகை ராஷ்மிகா. அந்தப் படத்தில் அவருடைய அழகும், நடிப்பும் ரசிகர்களை வெகுவாகக் கவர்ந்தது. இன்னமும் தமிழ்ப் பக்கம் வராத ராஷ்மிகாவுக்கு தமிழ்நாட்டிலும் ரசிகர்கள் இருக்கிறார்கள்.
‘கீதா கோவிந்தம்’ படத்தில் இடம் பெற்ற ‘இன்கேம் இன்கோம்’ பாடலை யு டியுபில் பல லட்சம் தமிழ் ரசிகர்களும் பார்த்து ரசித்திருப்பார்கள். தற்போது தெலுங்கில் இரண்டு படங்களிலும், கன்னடத்தில் இரண்டு படங்களிலும் நடித்து வரும் ராஷ்மிகா, நேற்று அவருடைய டுவிட்டரில் தென்னிந்திய இளம் பெண்களின் கலாச்சார உடையான பாவாடை, தாவணியில் இரண்டு புகைப்படங்களையும், அதையே காக்கரா சோளி ஆகவும் மாற்றி புகைப்படங்களை வெளியிட்டிருந்தார்.
ஏற்கெனவே, ‘இன்கேம் இன்கோம்’ பாடலில் ராஷ்மிகாவின் புடவை அழகில் விழுந்த ரசிகர்கள், நேற்று பாவாடை தாவணி அழகிலும் விழுந்துவிட்டார்கள். அவருடைய பதிவிற்கு 17 ஆயிரம் லைக் என்றால் கேட்கவா வேண்டும்.
