பிகில் படத்தைத் தொடர்ந்து நடிகர் விஜய் நடிக்கும் படம் விஜய் 64. இந்தப் படத்தை மாநகரம் படத்தை இயக்கிய இயக்குநர் லோகேஷ் கனகராஜ் இயக்குகிறார். விஜய்யோடு, மாளவிகா மோகனன், ஆண்டனி வர்க்கீஸ், சாந்தனு உள்ளிட்டோர் நடிக்கின்றனர். கூடவே விஜய் சேதுபதி வில்லனாக நடிக்க ஒப்புக் கொண்டிருக்கிறார். அனிருத் இசையமைக்கிறார்.
இந்தப் படத்தின் முதல் கட்ட படபிடிப்பு, ஏற்கனவே வட சென்னையில் துவங்கி நடந்தது. அதில் விஜய் சம்பந்தப்பட்ட காட்சிகளும், பாடல் காட்சி ஒன்றும் படமாக்கப்பட்டது.
இந்நிலையில், தீபாவளி முடிந்த கையோடு, ஒட்டுமொத்த படக் குழுவும் டில்லிக்கு செல்கிறது. அங்கு, நடிகர் விஜய் மற்றும் படத்தின் வில்லன் நடிகர் விஜய் சேதுபதி ஆகியோர் சம்பந்தப்பட்ட காட்சிகளை தொடர்ச்சியாக இருபது நாட்களுக்கு படமாக்கத் திட்டமிட்டுள்ளனர்.
