இயக்குநர் அன்பு இயக்கத்தில், நடிகர் சிபிராஜ் கதாநாயகனாக நடித்துள்ள வால்டர் படத்தின் டீசரை இயக்குநர் கவுதம் வாசுதேவ் மேனன் வெளியிட்டிருக்கிறார். பிரபு திலக் தயாரித்துள்ள வால்டர் படத்தில், சிபிராஜ் ஜோடியாக ஷ்ரின் கான்ஞ்வாலா நடித்துள்ளார். ரித்விகா, நட்டி நட்ராஜ், சனம் ஷெட்டி, சமுத்திரக்கனி உள்ளிட்டோரும் படத்தில் முக்கிய வேடங்களில் நடித்துள்ளனர்.
சிபிராஜ் போலீஸ் அதிகாரியாக நடித்துள்ள இந்தத படத்தில், இயக்குநர் கவுதம் வாசுதேவ் மேனன் நடிப்பதாக அறிவிக்கப்பட்டிருந்தது. ஆனால், பிற படங்களின் வேலையால், அவரால் நடிக்க முடியாமல் விலகினார். அவர் நடிக்கவிருந்த கதாபாத்திரத்தில் தான், தற்போது நட்டி நட்ராஜ் நடிக்கிறார்.
வால்டர் படத்தின் டீசர், த்ரில்லர் – சஸ்பென்ஸ் பாணியில் உருவாக்கப்பட்டிருக்கிறது. தற்போதைய ட்ரெண்டிங்கில் முன்னணியில் இருக்கும் இந்த டீசரில், ஆடி பார்க்கணும்னு முடிவு பண்ணிட்ட, இனிமேல் ஆட்டத்தை பாரு’ என பஞ்ச் வசனங்களும் இடம் பெற்றுள்ளன. சிபி ராஜ் ரசிகர்கள் மத்தியில் வால்டர் டீசர் வரவேற்பைப் பெற்றுள்ளது.
