தமிழ், தெலுங்கு, ஹிந்தி என மூன்று மொழிகளிலும் பிரபலமான நடிகையாக திகழ்ந்தவர் நடிகை பூமிகா. திருமணத்திற்கு பிறகு படிப்படியாக ஹீரோயின் வாய்ப்பு குறைய, தற்போது குணச்சித்ர ரோல்களில் நடித்து வருகிறார். கடந்த 2016-ம் ஆண்டு எம்எஸ்.தோனி படத்தில், சுசாந்த் சிங்கின் அக்காவாக நடித்தவர், நானி – சாய் பல்லவி நடிப்பில் வெளியாகி உள்ள எம்சிஏ., படத்திலும் முக்கியமான ரோலில் நடித்திருக்கிறார். இந்தபடம் மூலம் மீண்டும் சினிமாவில் பிஸியாகி உள்ளார் பூமிகா.
தற்போது, மாதவன் – நாகசைதன்யா நடித்து வரும் ஷாவ்யாசச்சி என்ற படத்திலும் கமிட்டாகியிருக்கிறார் பூமிகா. நாயகியாக நிஷா அகர்வால் நடித்து வரும் இந்த படத்தில் பூமிகா ஒரு கெஸ்ட் ரோலில்தான் நடிக்கிறார். என்றாலும், கதைக்கு முக்கியத்துவம் வாய்ந்த வேடமாம். இதையடுத்து முக்கியத்துவம் வாய்ந்த கேரக்டர்களில் மேலும் சில படங்களில் நடிக்கவும் கதை கேட்டு வருகிறார் பூமிகா.
