பிரபல பின்னணி பாடகி சுசித்ரா. சில ஆண்டுகளுக்கு முன்னர் ‛சுசிலீக்ஸ் என்ற பெயரில் நடிகர்களின் அந்தரங்க படங்கள், வீடியோக்களை வெளியிட்டு பரபரபாக்கினர். அவரின் கணவர் கார்த்திக்கோ, சுஜியின் டுவிட்டர் ஹேக் செய்யப்பட்டதாகவும், பின்னர் அவர் மனதளவில் பாதிக்கப்பட்டதாகவும் கூறினார். நாளைடைவில் இவர்களுக்கு கருத்து வேறுபாடு ஏற்பட்டு பிரிந்தனர்.
இந்நிலையில் சுசித்ராவை காணவில்லை என அவரது சகோதரி சுஜிதா, போலீசில் புகார் அளித்தார். அவரை தேடிய போலீசார், சுசித்ராவின் அலைப்பேசி சிக்னலை கொண்டு, சென்னை தி.நகரில் உள்ள நட்சத்திர ஓட்டலில் இருப்பதை கண்டுபிடித்து மீட்டனர்.
‛‛தன் மீதான கோபத்தால் தங்கை சுஜிதா புகார் கொடுத்துவிட்டதாகவும், தன்னை மனநலம் பாதிக்கப்பட்டவர் போல் வெளி உலகிற்கு என் குடும்பத்தினர் காட்ட முயற்சிப்பதாகவும் சுசித்ரா கூறியுள்ளார். இதையடுத்து, மருத்துவ கவுன்சிலிங்கிற்காக சுசித்ரா மருத்துவமனையில் சேர்க்கப்பட்டார்.
