விஜய் சேதுபதிக்கு திருப்புமுனை தந்த படம் நடுவுல கொஞ்சம் பக்கத்த காணோம். இந்தப்படத்தை இயக்கிய பாலாஜி தரணிதரன், மீண்டும் விஜய் சேதுபதியை வைத்து இயக்கி உள்ள படம் சீதக்காதி.
விஜய் சேதுபதி முதிர்ந்த நாடக கலைஞராக நடித்துள்ளார். அவருடன் அர்ச்சனா, ரம்யா நம்பீசன், காயத்ரி மகேந்திரன், மவுலி, ராஜ்குமார், பகவதி பெருமாள், கருணாகரன் உள்பட பலர் நடித்துள்ளனர். கோவிந்த் வசந்தா இசை அமைத்துள்ளார்.
படப்பிடிப்பு முடிந்து ரிலீஸ்க்கான வேலைகள் நடந்து வந்தன. வருகிற 16-ம் தேதி படம் ரிலீஸாவதாக இருந்தது. ஆனால் அன்றைய தினம் காற்றின் மொழி, செய் உள்ளிட்ட சின்ன படங்கள் வெளியாவதால், தற்போது படத்தை டிச.,20-ம் தேதி ரிலீஸ் செய்வதாக அறிவித்து, புதிய போஸ்டரை வெளியிட்டுள்ளனர்.
