தமன்னா நடித்துள்ள சைரா நரசிம ரெட்டி, பெட்ரோமாக்ஸ், ஆக்சன் ஆகிய படங்கள் அடுத்தடுத்த வாரங்களில் வெளியாக இருக்கின்றன. இந்தநிலையில் தற்போது மீண்டும் ஒரு தெலுங்கு படத்தில் நடிக்க ஒப்பந்தமாகியுள்ளார் தமன்னா. இந்தப்படத்தில் அவர் பெண்கள் கபடிக்குழுவின் கோச் ஆக நடிக்கிறார். எந்த மொழியானாலும் இதுவரை வெளியான விளையாட்டு பின்னணி கொண்ட படங்களில் எல்லாம் ஹீரோக்கள் தான் கோச் ஆக இருந்து வருகிறார்கள்,
ஆச்சர்யமாக தமன்னாவுக்கு இந்தப்படத்தில் அப்படி ஒரு வாய்ப்பு கொடுத்திருக்கிறார் இயக்குனர் சம்பத் நந்தி.. இதுபற்றி தமன்னா கூறும்போது, பொதுவாகவே எந்த விளையாட்டு என்றாலும் கோச் என்பவர் குறைத்து மதிப்பிடப்படுபவர் ஆகவே இருக்கிறார். ஆனால் இந்தப்படம் அனைத்து ‘கோச்’சுகளுக்கும் மரியாதை செய்யும் படமாக இருக்கும் என்கிறார்.. கோபிசந்த் இந்தப்படத்தின் கதாநாயகனாக நடிக்கிறார்.
