மோகன்லால் தற்போது மலையாளத்தில் ‘மரைக்காரர் : அரபிக்கடலில் சிம்ஹம்’ என்கிற படத்தில் நடித்து வருகிறார். 16ஆம் நூற்றாண்டில் கேரளாவில் போர்ச்சுக்கீசியரை எதிர்த்த மாபெரும் கடற்படை தலைவனான குஞ்சாலி மரைக்காயர் என்னும் கடற்படை தலைவனாக நடிக்கிறார் மோகன்லால். இவரது ஆஸ்தான இயக்குனரான பிரியதர்ஷன் தான் இந்த படத்தை இயக்கி வருகிறார்.
இந்தப்படத்தில் நடிப்பதற்காக தனது உடம்பை கட்டுமஸ்தான தோற்றத்திற்கு மாற்றுவதற்காக கடந்த சில நாட்களாக கடும் உடற்பயிற்சி செய்து வருகிறார் மோகன்லால். இதற்கு முன்னதாக அவர் சூர்யாவுடன் இணைந்து நடித்து வந்த காப்பான் படத்தில் பிரதமர் கேரக்டரில் நடிப்பதற்காக தனது உருவத்தை சற்றே குண்டாக காண்பிப்பதற்காக உடல் எடையை அதிகரித்து இருந்ததால் தற்போது அதை குறைக்க கடும் உடற்பயிற்சியில் ஈடுபட்டுள்ளார் மோகன்லால்.
