சந்தானம் நடித்த ‘டகால்டி, சர்வர் சுந்தரம்’ ஆகிய இரண்டு படங்களும் ஜனவரி 31ம் தேதியன்று வெளியாகும் என்று முதலில் அறிவிக்கப்பட்டன. ஆனால், சந்தானம் அவரே தயாரித்த ‘டகால்டி’ படம் மட்டுமே அன்றைய தினம் வெளியாக வேண்டும் என்று ஆசைப்பட்டார். அதனால், சிலரை அணுகி, ‘சர்வர் சுந்தரம்’ படத்தை இரண்டு வாரங்கள் கழித்து வெளியிட வைக்க நிர்ப்பந்தம் செய்தார். அதன்பின் ‘சர்வர் சுந்தரம்’ படத்தை பிப்ரவரி 14ம் தேதி வெளியிடுவதாக அறிவித்தார்கள்.
சந்தானம் பெரிதும் எதிர்பார்த்த ‘டகால்டி’ படம் அவரை ஏமாற்றியது. அந்தப்படம் வெளிவரும் வரை ‘சர்வர் சுந்தரம்’ படத்தை கண்டு கொள்ளாமலே இருந்தார் சந்தானம். இப்போது ‘டகால்டி’ சரியாக ஓடாததால் அடுத்து ‘சர்வர் சுந்தரம்’ படத்தை நம்பியுள்ளார். அதனால், கடந்த சில நாட்களாக ‘சர்வர் சுந்தரம்’ படத்தை தன்னுடைய டுவிட்டரில் பிரமோஷன் செய்ய ஆரம்பித்துவிட்டார். எப்படியோ, சில பல தாமதத்திற்குப் பின் வரும் ‘சர்வர் சுந்தரம்’ தயாரிப்பாளரை மகிழ்வித்தால் சரி.
