சாவித்ரியின் வாழ்க்கை வரலாறு படமான நடிகையர் திலகம் படத்தில் நடிப்பதற்கு முன்பே பல விமர்சனங்களை சந்தித்தார் கீர்த்தி சுரேஷ். ஆனபோதும், இந்த விமர்சனங்களையெல்லாம் பாராட்டுக்களாக மாற்றுவேன் என்று சாவித்ரியாக மாறி நடித்தார்.
மேலும், இந்த நடிகையர் திலகம் படம் சாவித்ரியின் 14 வயது முதல் 40 வயது வரையிலான கதையில் உருவாகியுள்ளது. குறிப்பாக அவரது சினிமா வாழ்க்கையை விட சொந்த வாழ்க்கையே இந்த படத்தில் அதிகமாக இடம்பெற்றுள்ளது.
அதனால் படத்தில் சொல்லப்பட்டுள்ள விசயங்கள் கண்டிப்பாக படம் வெளியாகும்போது விமர்சனங்களை சந்திக்கும் என்கிறார்கள். இந்நிலையில், இந்த படத்தில் நடிப்பதற்கு முன்பே விமர்சனங்களை சந்தித்த நான், படம் வெளியாகும்போது வரும் விமர்சனங்களை சந்திக்கவும் தயாராகிவிட்டேன் என்கிறார் கீர்த்தி சுரேஷ்.
