விஜய் நடித்த ‛பகவதி’ படத்தில் அவரது தம்பியாக அறிமுகமானவர் நடிகர் ஜெய். தொடர்ந்து ‛சென்னை 28, கோவா, எங்கேயும் எப்போதும், சுப்ரமணியபுரம்’ போன்ற பல படங்களில் நடித்தார். சமீபத்தில் ‛கேப்மாரி’ என்ற அடல்ட் படத்தில் நடித்தார். இப்போது சூப்பர் ஹீரோ கதையை கொண்டு உருவாகும் ‛பிரேக்கிங் நியூஸ்’ உட்பட சில படங்களில் நடிக்கிறார். நீண்டகாலமாகவே இவர் இஸ்லாம் மதத்திற்கு மாறிவிட்டதாக செய்திகள் வெளியாகின. ஆனால் அதை எங்கும் அவர் சொன்னதில்லை.
இந்நிலையில் இவர் அளித்த பேட்டி ஒன்றில் இதுப்பற்றி முதன்முறையாக கூறியிருக்கிறார். அதில், ‛‛ஏழாண்டுகளாக இஸ்லாம் மதத்தை பின்பற்றுகிறேன். ஏதோ ஒரு இனம் புரியாத நம்பிக்கை. சாமியே கும்பிடாதவன், ஏதோ ஒரு சாமியையாவது கும்பிடறானே என வீட்டிலும் ஒன்றும் சொல்லவில்லை. மதம் மாறினாலும் இன்னும் பெயரை மாற்றவில்லை. அஜீஸ் ஜெய்யாக மாறலாம் என முடிவு செய்துள்ளேன்” என கூறியுள்ளார்.
