பிதாமகன் படத்தில் கஞ்சா விற்பவராக நடித்து அதன் மூலம் கஞ்சா கருப்பாக பெயர் மாறி காமெடியன் ஆனவர். ராம், யோகி, சிவகாசி முதல் தொண்டன் வரை 60க்கும் மேற்பட்ட படங்களில் நடித்துள்ளார். தற்போதும் சில படங்களில் நடித்து வருகிறார். இடையில் பிக்பாஸ் நிகழ்ச்சியிலும் பங்கேற்றார்.
சட்டசபை தேர்தலில் அதிமுகவுக்கு ஆதரவாக பிரச்சாரம் செய்தார். ஆனால் அந்தக் கட்சியில் சேரவில்லை. தற்போது அதிமுகவில் தன்னை இணைத்துக் கொண்டு முழுநேர அரசியல்வாதியாகி இருக்கிறார். அதிமுகவின் இணை ஒருங்கிணைப்பாளரும், முதல்வருமான எடப்பாடி பழனிச்சாமியை சந்தித்து தன்னை அதிமுகவின் அடிப்படை தொண்டராக இணைத்துக் கொண்டார். விரைவில் அதிமுகவின் நட்சத்திர பேச்சாளராக அறிவிக்கப்பட இருக்கிறார்.
